Şahin Xiyavlı: <Azərbaycanın bölgədə inkişafı İran rejimini ciddi şəkildə narahat etməkdədir>

18 Şubat 2012, 15:30 Anar Memmedli

İranda elm adamlarına düzənlənən sui-qəsdçilərin Azərbaycana gəlməsi ilə bağlı iddiaları fakt edərək nota vermək, xüsusilə, bəzi ölkələrin İran əleyhinə casusluqla məşğul olmaları ilə hansısa bəyanatlar İran rejiminə, mahiyyət olaraq heç bir şey qazandırmayacaq.

Bu sözləri Gün.Az-a Norveçdə yaşayan tanınmış milli fəal, politoloq Şahin Xiyavlı İran rejiminin Azərbaycan əleyhinə olan bəyanatlarını və notasını şərh edərkən bildirib.

“İran bu gün həm daxildə, həm bölgədə, həm də siyasi-iqtisadi baxımından böhran içərisindədir. İranın belə bir vəziyyətdə Azərbaycana nota verməsi, siyasi təzyiqləri az da olsa azaltmaq niyyətindədir.

Bu gün Azərbaycanın bölgədə inkişafı İran hakimiyyətini ciddi şəkildə narahat etməkdədir. İran Azərbaycanda siyasi qarışıqlıq yaratmaqla, öz təsir imkanlarını artırmaq istəyir”, - deyə politoloq qeyd edib.

Politoloq hər zaman İranın dolayısı və açıq şəkildə Azərbaycanın daxili işlərinə qarışaraq siyasi və hüquqi prinsipləri ayaqlamağa cəhd etdiyini bildirib.

“Digər bir məsələ Azərbaycan torpaqlarının Ermənistan tərəfdən təcavüzə məruz qalmasına İran tərəfdən gözün yumulmasıdır. Üstəlik, İran rejimi terrorçu Ermənistanı dəstəkləməkdədir.

Belə bir vəziyyətdə terrora məruz qalan Azərbaycan dövlətinə nota vermək sadəcə olaraq ağılsızlıqdır”, - deyə Ş.Xiyavlı qeyd edib.

Elnur Eltürk

http://gun.az/politics/29916

Bu haber 379 defa okunmuştur.