Qarabağ və Xocalıda yaşanılan hadisələr insanlığa olan qarşı bir cinayətdir.
Bu gün Norveç insan hüquqlarına önəm verən bir dövlətdir və biz bu məsələni ölkənin gündəmində saxlamağa çalışmalıyıq.
Bu sözləri Gün.Az-a Norveçdə yaşayan tanınmış milli fəal, yazar Şahin XiyavlıNorveçdə Qarabağ həqiqətlərinin çatdırılması ilə bağlı fikrini şərh edərkən bildirib.
“Çox təəssüf ki, hələlik bu məsələ gündəmdə deyil. Mən, bunun əsas səbəbindən biri kimi bunu diaspor fəaliyyəti ilə bağlayardım. Norveçdə fəaliyyət göstərən Azərbayan diasporu Qarabağ məsələsi ilə bağlı nə qədər tədbir keçirmələrinə baxmayaraq, bunu ölkə mediasının gündəminə gətirə bilməmişik.
Bu da nəticə etibarilə Qarabağ məsələsinin ölkə ictimaiyyətinə çatdırılmasında çətin problem yaradır.
Bu gün Norveç-Azərbaycan arasında münasibətlər Ermənistanla müqayisədə çox güclüdür. Bu, iqtisadi və mədəni sahələrdə özünü göstərir. Biz bundan yararlana bilsək və bu sahədə sistemli bir fəaliyyət ortaya qoya bilsək, ictimaiyyətin, insan hüquq təşkilatlarının, beyin mərkzələrinin diqqətini Qarabağ məsələsinə yönəldə biləcəyimiz düşüncəsindəyəm”, - deyə yazar qeyd edib.
Elnur Eltürk
Gün.Az
