Gəlin qız doğdu,qayınanası onu boğdu

31 Ocak 2012, 11:51 Günay Eltürk

Əfqanıstanda 22 yaşlı qadın cahilliyin qurbanı olub

Əfqanıstanda tükürpədici hadisə baş verib. ANS PRESS-in xarici mətbuata istinadla verdiyi məlumata görə, Qunduz əyalətində dünyaya üçüncü dəfə qız uşağı gətirən qadın qətlə yetirilib. Onu öz qayınanası boğaraq öldürüb. Gəlinin əridə cinayətdə iştirakda ittiham edilir. Gəlinini öldürməkdə ittiham edilən qadın saxlanılsa da, onun oğlu axtarışdadır.

Qonşularının sözlərinə görə, dünyasının dəyişən gənc qadın hamiləlik vaxtı körpələri qız olduğuna görə həyat yoldaşı Şir Məhəmməd tərəfindən daim qınanırmış.

Qeyd edək ki, Əfqanıstanda qadınlar zorakılığa daha çox məruz qalırlar. Bu ölkədə oğlan uşaqlarının doğulması əsl bayram sayılır. Belə ki, əhalisinin böyük hissəsi yoxsulluq səviyyəsində yaşayan ölkədə ailələr oğlan uşaqlarını dolanışıq qaynağı olaraq görür

Bu haber 221 defa okunmuştur.