TƏBRİZİN FUTBOL KOMANDASININ 50-dən ÇOX AZARKEŞİ TUTULUB

31 Ocak 2012, 07:54 Günay Eltürk

Tehranın İstiqlal futbol komandası ilə Təbriz Tiraxturu arasında yanvarın 29-da keçirilən matç qalmaqallı olub.

“Media forum” saytının məlumatına görə, Təbrizin “Səhənd” stadionunda keçirilən oyun 2:0 hesabı ilə “İstiqlal”ın xeyrinə başa çatıb. Hakimin ədalətsiz qərarlar verdiyini iddia edən “Tiraxtur” azarkeşləri ilə hökumət qüvvələri arasında qarşıdurma yaranıb.

Milli şüarlar səsləndirən təbrizli azarkeşlərin etirazı Təbriz küçələrində davam etdirilib. Şəhərin küçə və meydanları silahlı hökumət qüvvələrinin nəzarətinə götürülüb. Hökumət qüvvələri ilə qarşıdurmada “Tiraxtur”un 50-dən çox azarkeşi tutularaq bilinməz istiqamətə aparılıb.

Bu haber 287 defa okunmuştur.