Xalq yazıçısı Anarın <Qızıl toy>u oldu

28 Ocak 2012, 16:40 Anar Memmedli

Yazıçı evliliyinin 50 illiyini paytaxtın məşhur restoranlarından birində keçirib

Azərbaycan Yazıçılar Birliyinin sədri, xalq yazıçısı Anar “Qızıl toy” edib. ANS PRESS-in məlumatına görə, 1962-ci il yanvarın 27-də Zemfira xanımla evlənən Anar dünən evliliyinin 50 illiyini, yəni “Qızıl toy”unu paytaxtın məşhur restoranlarından birində qeyd edib. Mərasimdə Anarın ailə üzvləri və qohumları ilə yanaşı, baş nazirin müavini, yazıçı Elçin Əfəndiyev, mədəniyyət və turizm naziri Əbülfəs Qarayev, ölkənin tanınmış yazıçıları, mədəniyyət xadimləri iştirak ediblər.

Tanınmış aparıcılar Nərgiz Cəlilova və Emin Musəvinin idarə etdiyi məclisdə bəstəkar Vaqif Gərayzadənin ansamblının müşayiəti ilə xalq artisti Zülfiyyə Xanbabayeva və əməkdar artist İlqar Muradov çıxış ediblər.

Mərasimdə Anarın qızı Günelin təşəbbüsü ilə çəkilmiş film də nümayiş etdirilib.

ANS PRESS yazıçını və xanımını bu əlamətdar gün münasibətilə təbrik edir, hər ikisinə can sağlığı və uzun ömür arzulayır.

http://www.anspress.com/index.php?a=2&lng=az&nid=136345

Bu haber 211 defa okunmuştur.