Türkiyə Ermənistan vətəndaşlarına vizanı sərtləşdirib

28 Ocak 2012, 15:50 Anar Memmedli

Fevralın birindən üçaylıq vizanı sərhəddə təzələyib yenidən ölkəyə girmək mümkün olmayacaq.

Buna rəsmi statusa malik olmayan şəxslərin Türkiyədə uzun müddət qalmasını çətinləşdirən miqrasiya qanunvericiliyində edilən dəyişikliklər səbəb olub.

Linklər

Ermənistanda potensial miqrantların sayı 40% təşkil edir

Mövzular

Fevralın birindən qüvvəyə minən dəyişikliklərə əsasən, viza müddəti tükəndikdən sonra yeni viza almaq üçün ən azı üç ay gözləmək lazım gələcək.

Viza müddətini aşanlar böyük məbləğdə cərimə oluna bilər.

Türkiyədə müvafiq icazə sənədi olmadan işləyən Ermənistan vətəndaşları kütləvi surətdə vətənə qayıtmağa məcburdur.

Türkiyəni tərk edən ermənilərlə söhbət edən Hurriyet Daily News qəzetinin jurnalisti Vercihan Ziflioğlu viza müddəti başa çatanların fevralın birindən cərimə verməyə məcbur olduqlarından, Türkiyəni tərk etməyə başladıqlarını söyləyib.

“Son günlər Ermənistan və Gürcüstan istiqamətində böyük axın müşahidə olunur. Onlar burada qazandıqları hesabına bir təhər ailələrini saxlaya bildiklərini deyir. Bu, olduqca yoxsul ailələrdir - gürcülər və ermənilər”, - deyib jurnalist.

O, Türkiyəni tələsik tərk edənlər arasında Gürcüstanlı ermənilər və azərbaycanlıların olduğunu da bildirib.

Vaşınqtonda fəaliyyət göstərən Daşnaktsütyün partiyasının “Erməni məhkəməsi” ofisi Ankaranın miqrasiya siyasətini tənqid edib.

http://www.bbc.co.uk/azeri/azerbaijan/2012/01/120128_turkey_visa.shtml

Bu haber 206 defa okunmuştur.