İşğal olunmuş ərazilərdə Azərbaycan əsgəri əsir götürülüb?

25 Ocak 2012, 07:02 Günay Eltürk

Bu barədə məlumatı Ermənistan KİV-i yayıb

Ermənistan silahlı qüvvələri işğal olunmuş Dağlıq Qarabağda Azərbaycan Ordusunun əsgərini girov götürüblər. ANS PRESS xəbər verir ki, bu barədə məlumatı Ermənistan KİV Əsir və itkin düşmüş, girov götürülmüş vətəndaşlarla əlaqədar Dövlət Komissiyasına istinadən yayıblar. Məlumata görə, hadisə yanvarın 23-də saat 15.25-də baş verib.

Ermənistan tərəfinin məlumatına görə, əsir götürülən şəxsin üzərində hərbi bilet olub. Bu, Azərbaycan Silahlı Qüvvələrinin serjantı, 1990-cı il təvəllüdlü Lənkəran rayon sakini Axundzadə Məmmədbağır Talıb oğludur.

Ermənilər ATƏT-in və Beynəlxalq Qırmızı Xaç Komitəsinin Xankəndidəki ofislərini məlumatlandırıblar.

Qeyd edək ki, Azərbaycanın Müdafiə Nazirliyi bu barədə heç bir rəsmi açıqlama yaymayıb

Bu haber 353 defa okunmuştur.