Soçi bəyanatında Qarabağ nizamlanmasında irəliləyiş olduğu qeyd edilib

24 Ocak 2012, 07:52 Anar Memmedli

Soçidə Rusiya, Azərbaycan və Ermənistan prezidentlərinin Dağlıq Qarabağ münaqişəsinin nizamlanmasına həsr olunmuş üçtərəfli görüşü başa çatıb.

Prezidentləri Soçi görüşünün yekunları ilə bağlı birgə bəyanat qəbul ediblər.
Linklər
Əliyev və Sarkisyan Soçidə görüşüb
Soçi sammiti ərəfəsində Lavrovla Məmmədyarov görüşüb
Mövzular
Siyasət, Münaqişələr, Bölgə
Sənəddə qeyd olunur ki, Qarabağ nizamlanmasına dair Soçi görüşü Rusiya prezidentinin dəvəti ilə baş tutub və görüş zamanı Dağlıq Qarabağ nizamlanmasının perspektivləri müzakirə edilib.
Prezidentlər 2 noyabr 2008 il Moskva deklarasiyası qəbul ediləndən bəri Dağlıq Qarabağ münaqişəsinin həlli istiqamətində görülmüş işlərin "böyük həcmini" qeyd ediblər.
Bəyanatda deyilir ki, intensiv danışıqlar nəticəsində Dağlıq Qarabağ münaqişəsinin nizamlanmasının əsas prinsiplərinin razılaşdırılmasında irəliləyiş əldə olunub.
Sülh sazişi hazırlanmasına keçidin mühümlüyünü nəzərə alan Azərbaycan və Ermənistan prezidentləri bu günə kimi görülmüş işlər nəzərə alınmaqla Əsas prinsiplər üzrə razılaşmanın əldə olunması prosesini sürətləndirməyə hazır olduqlarını bəyan ediblər”.
Bəyanatda bildirilir ki, prezidentlər İlham Əliyev və Serj Sərkisyan Rusiyanın və ATƏT-in Minsk Qrupunun digər həmsədr ölkələrin vasitəçilik missiyasını yüksək dəyərləndiriblər və ümidvar olduqlarını bildiriblər ki, Rusiya, ABŞ və Fransa bu qisimdə bundan sonrada regionda sabitlik və sülh tam bərqərar olunanadək, nizamlamada aktiv rol oynamqda davam edəcəklər.
5 mart 2011 il Soçidə Birgə bəyannamənin müddəalarına uyğun olaraq, Azərbaycan, Ermənistan və Rusiya prezidentləri qoşunların təmas xəttində təhqiqat aparılması mexanizminə dair ATƏT-in icraçı sədrinin şəxsi nümayəndəsi ilə birgə həmsədrlərin hazırladıqları məruzəni nəzərə alıblar və bu işin davam etdirilməsini tapşırıblar.
Prezidentlər təsdiqləyiblər ki, Dağlıq Qarabağ münaqişəsinin nizamlanması çərçivəsində qarşılıqlı etimadın möhkəmləndirilməsi üçün vasitələrdən biri tərəflər arasında humanitar əlaqələrin inkişafıdır.
Bununla əlaqədar Azərbaycan və Ermənistan prezidentləri ziyalı, elmi və ictimai dairələrin təmsilçiləri arasında dialoqun inkişaf etdirilməsinə dəstək verməyə hazır olduqlarını bildiriblər.

http://www.bbc.co.uk/azeri/azerbaijan/2012/01/120123_sochi_statement.shtml

Bu haber 153 defa okunmuştur.