Qarabağlı jurnalistlər Ermənistanı məhkəməyə verir

11 Ocak 2012, 15:09 Günay Eltürk

Onlar mülkiyyət, yaşayış, təhsil və digər hüquqlarının zorakılıqla pozulduğunu, maddi və mənəvi zərbəyə məruz qaldıqlarını bildirilər

Ermənistanın Azərbaycan torpaqlarını işğal etməsi nəticəsində məcburi köçkün düşmüş bir qrup azərbaycanlı jurnalist Ermənistan dövlətini Avropa İnsan Hüquqları Məhkəməsinə verir. Jurnalistlər Xalid Kazımlı, Etibar Seyidağa, Seymur Verdizadə, Məhəbbət Orucov, Aynur Elgünəş, Sevil Hilalqızı, Samir Kazımlı Ermənistan dövlətinin Qarabağ rayonlarını işğal etməsi nəticəsində onların mülkiyyət, yaşayış, təhsil və digər hüquqlarını zorakılıqla pozduğunu, maddi və mənəvi zərbəyə məruz qoyduğunu əsas göstərirlər.

Məhkəməyə rəsmi şikayətdə jurnalistlər Ermənistanın onların hüquqlarını pozduğunun, işğalçılıq etməsinin təsdiqlənməsini xahiş edəcəklər. Eyni zamanda Ermənistanın buna görə təzminat ödəməsi istəniləcək.

İddia ərizəsi Avropa İnsan Hüquqları Konvensiyasının 1-ci Protokolunun 1-ci (mülkiyyətin toxunulmazlığı), 8-ci (şəxsi həyatın toxunulmazlığı), 13-cü (ədalətli mühakimə hüququ) və digər maddələrinə əsaslanır. İddiaçılar həmçinin milli ayrı-seçkiliyə (14-cü maddə) məruz qaldıqlarını qeyd edəcəklər.

Jurnalistlərin şikayəti üçün sənədləşmə işini Media Hüquqları İnstitutunun rəhbəri, tanınmış hüquqşünas Rəşid Hacılı öhdəsinə götürüb

anspress

Bu haber 352 defa okunmuştur.