Ayhan Dəmirçi: Qafqazda etnik münaqişələrin qızışmasında Ermənistan birbaşa rol oynayır

09 Ocak 2012, 07:55 Anar Memmedli

Avropa İttifaqı Dağlıq Qarabağ münaqişəsinin həllində səylərini artırmalı və bölgədə sülh yaratma missiyasında Ermənistana təzyiqlərini gücləndirməlidir.

Bu sözləri Gün.Az-a Azərbaycan-Belçika Dostluq Cəmiyyətinin sədri Ayhan Dəmirçi Cənubi Qafqaz bölgəsində etnik münaqişələrin mövcudluğu bölgə üçün təhlükə yaratması ilə bağlı fikri şərh edərkən bildirib.

“Cənubi Qafqaz bölgəsində entik münaqişələrin həll edilməməsi və ya illərlə uzanması Avropa İttifaqının Cənubi Qafqaz siyasətini ciddi təhlükə altına alır. Bu gün etnik münaqişələr mövcud olmasaydı, bölgədə tamam başqa prosesi müşahidə edə bilərdik.

Təəssüf ki, bəzi Avropa dövlətləri hələ də görə bilmirlər ki, Cənubi Qafqaz bölgəsində etnik münaqişələrin qızışmasında və alovlanmasında Ermənistan birbaşa rol oynayır”, - deyə, A.Dəmirçi qeyd etdi.

A.Dəmirçi onu da əlavə etdi ki, zamanla Ermənistanın Avropa İttifaqı üçün ciddi təhlükə yaradan bir dövlət olduğu ortaya çıxacaq: “Yüz ildən çoxdur ki, erməni xalqı Cənubi Qafqaz bölgəsi üçün problemlər yaradan və monoetnik dövlət qurmağa can atan bir toplum olaraq tarixə imzalarını atıblar. Ortada olan nəticə odur ki, erməni xalqının fikir və düşüncəsinin dəyişməsi üçün zaman lazımdır. Əks halda bu ideologiya erməni xalqını uçuruma aparacaq”, - deyə, A.Dəmirçi bildirdi.

Elnur Eltürk
Gün.Az

URL: http://www.gun.az/politics/25379

Bu haber 326 defa okunmuştur.