Belçika parlamentində Xocalı soyqırımı müzakirə olunacaq

07 Ocak 2012, 12:47 Günay Eltürk

Bu barədə Avronest Parlament Assambleyasında nümayəndə heyətinin rəhbəri Elxan Süleymanov məlumat verib

Azərbaycan-Belçika parlamentlərarası əlaqələr üzrə işçi qrupu Xocalı soyqırımı məsələsinin Belçika parlamentində müzakirə olunması ilə bağlı iş aparır. Bu sözləri jurnalistlərə Azərbaycan-Belçika parlamentlərarası əlaqələr üzrə işçi qrupunun və ölkəmizin Avronest Parlament Assambleyasında nümayəndə heyətinin rəhbəri Elxan Süleymanov deyib.
E.Süleymanov bildirib ki, bu, 2012-ci il üçün işçi qrupunun müəyyənləşdirdiyi plana əsasən həyata keçiriləcək. Bundan əlavə, işçi qrupunun planına Azərbaycan haqqında məlumatların Belçika televiziyasında yayılması, iki ölkənin universitetləri arasında tələbə mübadiləsinin aparılması və digər məsələlər də daxildir.

Bu haber 365 defa okunmuştur.