HÖRMÜZ BOĞAZINI BAĞLAMAQ CƏHDİ UĞURSUZ OLACAQ

06 Ocak 2012, 14:02 Günay Eltürk

BRİTANİYANIN MÜDAFİƏ NAZİRİ:HÖRMÜZ BOĞAZINI BAĞLAMAQ CƏHDİ UĞURSUZ OLACAQ

Yanvarın 5-də jurnalistlərə açıqlama verən Böyük Britaniyanın müdafiə naziri Filip Hamond İranın Hörmüz boğazını bağlaya bilməyəcəyini bəyan edib.

“Media forum” saytının məlumatına görə, Filip Hamond deyib ki, İranın Hörmüz boğazını bağlamaq istəməsi qanuna ziddir: “İranın Hörmüz boğazını bağlamaq cəhdi uğursuz olacaq. Böyük Britaniyanın dəniz qüvvələri İran körfəzinə təhlükəsizliyi qorumaq üçün yerləşdirilib. Hörmüz boğazında neftin nəqli istiqamətində yaradılan hər hansı bir təxribat həm bölgə, həm də dünya iqtisadiyyatının inkişafına böyük bir təhdiddir və buna imkan verilməyəcək”.

2011-ci il dekabrın 27-də İranın birinci vitse-prezidenti Məhəmmədrza Rəhimi, dekabrın 28-də isə İranın Hərbi Dəniz Qüvvələrinin komandanı admiral Həbibulla Səyyari Qərbi və bölgə ölkələrini Hörmüz boğazını bağlayacaqları ilə təhdid ediblər. Onlar bildiriblər ki, İran neftinə sanksiya qoyulsa, Hörmüz boğazından gediş-gəliş tam qapadılacaq

Bu haber 381 defa okunmuştur.