İran geri çəkilir?

04 Ocak 2012, 11:09 Günay Eltürk

Mahmud Musəvi: Hörmüz boğazının bağlanması strateji planlarımıza daxil deyil

İranın hərbi rəhbərliyi Amerika Birləşmiş Ştatlarından Fars körfəzi regionuna bir daha aviadaşıyıcı göndərməməyi tələb edib. İslam respublikası ordusunun komandanı Ataolla Salehi deyib ki, təlimlər keçirilən zaman oranı tərk edən Amerika aviadaşıyıcısı yenidən Hörmüz boğazına qayıdarsa, cavab tədbirləri görüləcək. “Mən tövsiyə və israr edirəm ki, Amerika aviadaşıyıcısı bir daha bu bölgəyə qayıtmasın”, - deyə o vurğulayıb.

İranın digər hərbi rəsmisi, kontr-admiral Mahmud Musəvi isə Hörmüz boğazının bağlanmasının İranın strateji planlarına daxil olmadığını deyib: “Biz Hörmüz boğazındakı hərəkətə mane olmayacağıq. Bizim belə bir niyyətimiz yoxdur”.

Mahmud Musəvi hərbi təlimlərin taktiki xarakter daşıdığını və İranın bu yolla lazım gəldiyi təqdirdə boğazı tam nəzarətə almaq iqtidarında olduğunu göstərməyə çalışdığını bildirib.

Xatırladaq ki, İran bundan əvvəl dünya üzrə neft ixracının 30 faizinin həyata keçirildiyi və strateji marşrutlardan olan Hörmüz boğazını bağlayacağını bəyan etmişdi

Bu haber 329 defa okunmuştur.