Soydaşlarımız Sankt-Peterburqda Fransa parlamentinə etirazlarını bildiriblər

03 Ocak 2012, 17:46 Günay Eltürk

Rusiyanın Sankt-Peterburq şəhərində yaşayan türk xalqlarına mənsub soydaşlarımız Fransa parlamentinin qondarma erməni soyqırımı ilə bağlı qəbul etdiyi qanuna etiraz əlaməti olaraq icazəli piket (göstəri) keçiriblər.

Azərbaycanın Sankt-Peterburqdakı Baş Konsulluğundan verilən məlumata görə, mitinq iştirakçıları Fransa Milli Assambleyasının (milli şura) qondarma erməni soyqırımının inkar edilməsinə görə cinayət məsuliyyəti nəzərdə tutan qanun qəbul etməsini qətiyyətlə pisləyib. Piket iştirakçıları, həmçinin Fransanın ATƏT-in (Avropa Təhlükəsizlik və Əməkdaşlıq Təşkilatı) Minsk qrupundakı həmsədrliyindən geri çağırılmasını tələb ediblər. Onlar Fransa parlamentinin qondarma erməni soyqırımı əvəzinə 1992-ci ildə ermənilərin Xocalıda törətdikləri soyqırımını müzakirə etməli olmasına dair tələblər irəli sürüblər. Sonra Azərbaycan və Türkiyə icmalarının nümayəndələri parlamentin bu qərarına etiraz əlaməti olaraq piket iştirakçılarının fransız xalqına, Fransa parlamentinə və prezidentinə ünvanladıqları müraciəti bu ölkənin Sankt-Peterburqdakı baş konsulluğuna təqdim ediblər.

Bu haber 406 defa okunmuştur.